Shinarar

Շինարարական շուկան այսօր զգում է նոր տեխնոլոգիաներով արտադրված շինանյութերի պակաս, և այդպիսի նյութերի պահանջարկն անընդհատ աճում է: Thermoplex®-ն առաջարկում է դրա լուծումը: Thermoplex®-ն ջերմամեկուսիչ նյութերի նոր սերնդի ներկայացուցիչ է քաղաքացիական և արդյունաբերական շինարարության մեջ պարսպող կոնստրուկցիաների համար: Ջերմահաղորդականության գործակիցը 0,030Վտ / (м×°С) է, ինչը բավականին ցածր է այլ մեկուսիչ նյութերի ցուցանիշներից: Նյութի սակավ  ջրակլանումն ապահովում է  ջերմահաղորդականության աննշան փոփոխություն խոնավ պայմաններում և կարող է փոփոխվել 0,001-0,003 Վտ/(м×°С) սահմաններում:

Thermoplex®-ը  քիմիապես իներտ, փտման ոչ ենթակա, էկոլոգիապես մաքուր ջերմապահպանիչ է: Thermoplex®  սալերով ջերմամեկուսացումը թույլ է տալիս ջեռուցման ծախսերը կրճատել մինչև 40%, իսկ օդորակման ծախսերը` մինչև 25%: Սալերը հեշտությամբ մշակվում են (լավ կտրվում են սովորական դանակի օգնությամբ) և բավականին հեշտ մոնտաժվում:

Thermoplex®  սալերի երկարակեցությունը, հաշվի առնելով շենքերի պարսպող կոնստրուկցիաներում  ջերմաստիճանի և խոնավության ներգործությունը, կազմում է ավելի քան 50 տարի: Thermoplex® սալերը լայն կիրառություն ունեն  հիմքերի և կառույցների պատվանդանային հարկերի ջերմամեկուսացման մեջ: Դրանք անփոխարինելի են տաք և հարմարավետ հատակների կառուցման համար:

ՀԱՏԱԿՆԵՐԻ ՋԵՐՄԱՄԵԿՈՒՍԱՑՈՒՄ Հատակներն էական դեր ունեն շենքերի ներսում ջերմության պահմանման համար: Առանց ջեռուցման տանը ջերմության կորուստը հատակի միջոցով կարող է կազմել ամբողջ ծավալի 20%-ը: Thermoplex® -ի  կիրառումը կարող է այդ խնդրի լուծումը դառնալ: Այն բավականին դիմացկուն ջերմապահպանիչ է: 10 տ / մ2 –ից բարձր ծանրաբեռնվածության  դեպքում սալերի դեֆորմացիան կազմում է սալի հաստության 2%-ից քիչ, ինչն էլ թույլ է տալիս այն օգտագործել հատակների կոնստրուկցիաներում`ինչպես պահեստային, այնպես էլ արտադրական տարածքներում: Ուստի ջերմության պահպանման և ջերմության հոսքի ցրման բացակայության պայմաններում նշանակալիորեն նվազում են էներգածախսերը:

ԽՈՂՈՎԱԿԱՇԱՐԵՐԻ ՋԵՐՄԱՄԵԿՈՒՍԱՑՈՒՄ

Ակտիվորեն զարգանում է  Thermoplex®  նյութի օգտագործման ևս մեկ ոլորտ` խողովակաշարերի (ջրմուղների,  ջրառու կառույցների, կոյուղիների համակարգերի և  ջերմագծերի) ջերմամեկուսացումը:

THERMOPLEX®` ՀԱՅԱՍՏԱՆՅԱՆ ՃԱՆԱՊԱՐՀՆԵՐԻ ԱՊԱԳԱՆ

Ճանապարհաշինարարության բնագավառում աշխատող մասնագետները հաճախ են բախվում այնպիսի խնդրի, ինչպիսին  է ճանապարհային մակերեսի պաշտպանությունը ձմեռային փքման և գրունտի նստման ներգործությունից: Նոր սերնդի որակյալ և դիմացկուն ջերմամեկուսիչ նյութը` Thermoplex®  արտամղիչ փրփրեցնող պոլիստիրոլը կարող է օգնել հաղթահարել նման իրավիճակը:

ՃԱԿԱՏԱՅԻՆ ՀԱՄԱԿԱՐԳԵՐ Thermoplex® -ի և ճակատային սալի հիմքով շինության Ճակատային հատվածի երեսպատումը և ջերմապահպանումն իրագործվում է մեխանիկորեն և (կամ) սոսնձով: Մեխանիկական ամրակումն իրականացվում է ափսեաձև դյուբելներով (խցաբութակներով): Thermoplex® սալի ամրակման համար նախատեսված սոսինձը կարող է լինել ցեմենտային, պոլիուրեթանային, ակրիլային հիմքով, որը չի պարունակում օրգանական լուծիչներ (տոլուոլ, բենզին, կերոսին, ացետոն, ուայթ-սպիրիտ):

Thermoplex®  սալերի սոսնձային բաղադրության հարակցման մեծացման համար կարող է պահանջվել  Thermoplex®  սալերի լրացուցիչ մեխանիկական մշակում:

ՊԱՏԵՐԻ ՋԵՐՄԱՄԵԿՈՒՍԱՑՈՒՄ

Շենքի ջերմամեկուսացման հիմնական միջոցառումներից մեկն է արտաքին պատերի ջերմապահպանությունը, քանի որ, կախված պատերի կոնստրուկցիայից, դրանց միջոցով կորչում է ջերմության 45%-ը: Thermoplex® -ն օգտագործվում է պատերի թե’ արտաքին, թե’ ներքին հատվածների ջերմամեկուսացման համար, ինչպես նաև պատերի կոնստրուկցիայում: Thermoplex® ջերմապահպանիչի օգտագործումը թույլ է տալիս նվազեցնել շենքերի և կառույցների կրող կոնստրուկցիաների վրա մշտական ծանրաբեռնվածությունը, ինչն էլ իր հերթին հանգեցնում է հիմնական շինարարական նյութերի տնտեսմանը:

ՏԱՆԻՔԱԾԱԾԿԵՐԻ ՋԵՐՄԱՄԵԿՈՒՍԱՑՈՒՄ

Ժամանակակից շինարարության հիմնական խնդիրներից մեկը տանիքածածկերի ջերմամեկուսացման ապահովումն է: Տանիքածածկերի կոնստրուկցիաների օպտիմալ ստեղծման ժամանակ նույնպես կիրառելի է Thermoplex® ջերմամեկուսիչ նյութը: Այն օգտագործվում է ինչպես հարթ տանիքների, այնպես էլ մետաղական պրոֆիլավոր թիթեղներով տանիքածածկերի կոնստրուկցիաներում: Ադ դեպքում ջերմության պահպանման և ջերմության հոսքի ցրման բացակայության պայմաններում նշանակալիորեն նվազում են էներգածախսերը: