Shinarar

Էդուարդ Ղազարյան « Է Կա Էս Պռոջեկտ» ՍՊԸ-ի հիմնադիր տնօրեն

ԸՆԿԵՐՈՒԹՅԱՆ ՄԱՍԻՆ
 

 ՄԵՐ ՆԱԽԱԳԾԵՐԸ

• «Է Կա Էս Պռոջեկտ» ընկերությունը հրատարակում է «Շինարար» ամսագիրը, որն իր բովանդակությամբ եզակի տեղեկատվական միջոց է մեր շուկայում:  Այն հնարավորություն է ընձեռում արտահանող, ներմուծող, արտադրող, սպառող ընկերություններին և անհատ ձեռներեցներին հետևել շուկայի իրադարձություններին` առկա պահանջարկին և առաջարկին, ներկայացնել սեփական արտադրանքը, ապրանքատեսականին, ծառայությունները: Համագործակցելով Հայաստանում ցուցահանդեսների կազմակերպիչ ընկերությունների հետ և հանդիսանալով ցուցահանդեսների ինֆորմացիոն հովանավորը՝ «Շինարար» տեղեկատու-ամսագիրը նպաստում է, որպեսզի իր գործընկերները լինեն պատշաճ ներկայացված և ճանաչված: «Շինարար» տեղեկատու-ամսագիրն անվճար է և առաքվում է շուրջ 3 000 կազմակերպությունների:

• Նույն խնդիրն է կոչված լուծելու www.shinarar.am կայքը, որը հանդիսանում է «Շինարար» տեղեկատու-ամսագրի էլեկտրոնային տարբերակը` պարունակելով առավել ծավալուն և ամբողջական տեղեկատվություն: Մենք առաջարկում ենք կայքում գրանցվելու տարբերակներ՝ թե´ անվճար, թե´ վճարովի: Սա շատ արդյունավետ միջոց է ընկերությունների համար՝ ճանաչվել ոչ միայն սպառողների, այլև մրցակիցների կողմից, ինչը նպաստում է առողջ մրցակցությանը, գործնական կապերի ստեղծմանը և սպառողին ընձեռում է ընտրության լայն հնարավորություններ:
   
• «Է Կա Էս Պռոջեկտ» ՍՊԸ-ի գործունեության մյուս ուղղությունը EKS Print-ն է: Այն առաջարկում է տպագրական, դիզայներական, լուսանկարահանման,  ինտերնետային կայքերի պատրաստման և տարատեսակ այլ ծառայություններ:
   
• «Է Կա Էս Պռոջեկտ» ՍՊԸ-ն իրականացնում է մարքեթինգային ծառայություններ, այդ թվում գովազդարշավների կազմակերպում, ընկերության անհատական ոճի ստեղծում և այլն:
   

ԳՈՐԾՈՒՆԵՈՒԹՅԱՆ ՆՈՐ ՈՒՂՂՈՒԹՅՈՒՆՆԵՐ

• Առանձին պետք է նշել և´ EKS Print-ի, և´ մարքեթինգային ծառայություններին անմիջապես առչվող կորպորատիվ ամսագրերի, կատալոգների ստեղծման և տպագրության մասին: Մենք կատարում ենք և հետևում աշխատանքային բոլոր փուլերին՝ տվյալ ընկերության և նրա տեսականու ուսումնասիրություններ, նախնական առաջարկներ, մակետ, լուսանկարահանում, դիզայն, խմբագրում, լրագրողական աշխատանք, թարգմանություններ, սրբագրություն, տպագրություն, առաքում:
   
• «Է Կա Էս Պռոջեկտ» ՍՊԸ-ն ներկայացնում է Info Call աննախադեպ ծառայությունը, որը հնարավորություն է ընձեռում 1 օրում Ձեր առաջարկը հասանելի դարձնել 4000 հաճախորդի:
   
• «Է Կա Էս Պռոջեկտ» ՍՊԸ-ն իրականացնում է մեկ այլ նախագիծ՝ առաջարկելով գովազդային նյութեր տեղադրել «Զվարթնոց» օդանավակայանում: Լինելով հանրապետության միակ խոշոր օդային դարպասը` դա հրաշալի հնարավորություն է թե´ մեր հայրենակիցներին, թե´ օտարերկրացիներին ներկայացնել Ձեր կազմակերպության առաջարկներն ու ծառայությունները: Գովազդային նյութերը տեղաբաշխվում են “E.K.S. Project” տեղեկատվական-գովազդային ցուցադրավահանակի (ստենդի) վրա, որտեղից մարդիկ կարող են ԱՆՎՃԱՐ վերցնել և ծանոթանալ գովազդային նյութերին: